Miss Ilala kutoana jasho

MISS ILALA 2008

Kinyang’anyiro cha kumsaka Mrembo wa Ilala kinatarajia kufanyika leo katika Ukumbi wa City Garden ambao zamani ulikuwa ukiitwa Railway Club uliopo Gerezani jijini Dar es Salaam.
Shindano hilo linatazamiwa kuwa la aina yake kutokana na washiriki wote kuwa na sifa za kuwakilisha Kanda ya Ilala (kiurembo) katika kinyang’anyiro cha Miss Tanzania kitakachofanyika baadaye mwaka huu.

Akiongea na mwandishi wa habari hizi, Mratibu wa mtanange huo Jackson Kalikumtima alisema kuwa vimwana wanaotarajia kutoana jasho wapo 15 kutoka katika vitongoji mbalimbali vya kanda hiyo.

Mratibu huyo alisema kuwa maandalizi yote juu ya shindano hilo yamekamilika na kwamba kutakuwa na burudani kutoka kwa msanii wa nyimbo za asili Wanne Star pamoja na Banana Zoro akiwa na B Band.

Aliwataja warembo wanaotarajiwa kutoana jasho katika ukumbi huo kuwa ni Anneth John, Nelly Kamwelu, Joyce Mzava, Joyce Yohana, Lulu Kessy, Fatma Seleiman, Irene Joseph, Christine Sigalla, Roselynn Mativa, Annejacqucline Janathan, Doto Msoka, Harieth Kibambe, Sylvia Mashuda, Adelqueen Nanjol na Magreth John.